റാഫേൽ ക്രിവല്ലാരോ ചെന്നൈയിൻ എഫ് സി വിട്ടു. ഇന്ന് താരം ക്ലബ് വിടുകയാണെന്ന് ക്ലബ് അറിയിച്ചു. ഇതോടെ ക്രിവെല്ലാരോയുടെ ചെന്നൈയിനിലെ രണ്ടാം സ്പെല്ലും അവസാനിച്ചു. ഈ കഴിഞ്ഞ സീസൺ തുടക്കത്തിൽ ജംഷദ്പൂർ വിട്ട് ചെന്നൈയിനിൽ വീണ്ടും എത്തിയ ക്രിവെല്ലാരോ 4 ഗോളുകളും 7 അസിസ്റ്റും സീസണിൽ സംഭാവന ചെയ്തിരുന്നു.
മുമ്പ് ആദ്യ സ്പെല്ലിൽ മൂന്ന് വർഷത്തോളം ക്രിവെല്ലാരോ ചെന്നൈയിന് ഒപ്പം ഉണ്ടായിരുന്നു. അവർക്ക് ആയി ഗോളും അസിസ്റ്റുകളുമായി താരം എന്നും തിളങ്ങിയിരുന്നു. ചെന്നൈയിന്റെ ക്യാപ്റ്റൻ ആം ബാൻഡും ക്രിവെല്ലാരോ അണിഞ്ഞിട്ടുണ്ട്. ഐ എസ് എല്ലിൽ ആകെ 59 മത്സരങ്ങൾ കളിച്ച താരം 12 ഗോളും 18 അസിസ്റ്റും ലീഗിൽ നേടിയിട്ടുണ്ട്.
