എഫ്സി ഗോവ മുഖ്യ പരിശീലകൻ കാർലോസ് പെന ക്ലബ് വിട്ടു. കാർലോസ് പെനയും അസിസ്റ്റന്റ് പരിശീലകൻ ഗോർക്ക അസ്കോറ, എഡ്വേർഡ് കരേര, ജോയൽ ഡോൺസ് എന്നിവരും ക്ലബ് വിട്ടു. മുൻ ഗോവ താരം കൂടിയായ പെന ഈ സീസൺ തുടക്കത്തിൽ ആയിരുന്നു ഗോവയുടെ പരിശീലകനായത്.
ഹീറോ ഐഎസ്എൽ 2022-23 സീസണിൽ ഏഴാം സ്ഥാനത്തെത്തിയതും ഹീറോ സൂപ്പർ കപ്പിലെ ഗ്രൂപ്പ് സിയിൽ രണ്ടാം സ്ഥാനത്തെത്തിയതും പെനയെ മാറ്റാൻ കാരണമായി. പുതിയ പരിശീലകനായി ഗോവ മനോലോ മാർകസിനെ എത്തിക്കും എന്നാണ് വിവരങ്ങൾ. ഇതു സംബന്ധിച്ച് ഔദ്യോഗിക പ്രഖ്യാപനം ഉടൻ വരും.
