ബെംഗളൂരു എഫ് സി അവരുടെ പരിശീലകനെ പുറത്താക്കി. ഇന്നലെ മുംബൈ സിറ്റിക്ക് എതിരെ വലിയ പരാജയം നേരിട്ടതിനു പിന്നാലെയാണ് ബെംഗളൂരു എഫ് സി പരിശീലകൻ സിമൺ ഗ്രേസണെ പുറത്താക്കാൻ തീരുമാനിച്ചത്‌. ഇന്നലെ സ്വന്തം ഗ്രൗണ്ടിൽ സ്വന്തം കാണികൾക്ക് മുന്നിൽ 4-0ന്റെ പരാജയം ആയിരുന്നു ബെംഗളൂരു നേരിട്ടത്. ഇതിനു പിന്നാലെ ടീമിൽ നിർണായക മാറ്റങ്ങൾ ഉണ്ടാകും എന്ന് ക്ലബ് ഉടമ പറഞ്ഞിരുന്നു.
2022 ജൂണിൽ ആയിരുന്നു ഗ്രേസൺ ബെംഗളൂരു പരിശീലകനായി ചുമതലയേറ്റത്. ബെംഗളൂരുവിനെ കഴിഞ്ഞ സീസണിൽ മൂന്ന് ഫൈനലുകളിൽ എത്തിക്കാൻ അദ്ദേഹത്തിനായി. ഐ എസ് എല്ലിലും സൂപ്പർ കപ്പിലും ബെംഗളൂരു എഫ് സി ഫൈനലിൽ എത്തി എങ്കിലും കിരീടം നേടാൻ ആയില്ല. ഡ്യൂറണ്ട് കപ്പിൽ അവർ കിരെടം നേടുകയും ചെയ്തു.
For bringing home silverware that had eluded us, for a fight to the finish that inspired us, for every magical night at our Fortress and for so much more. 🔵#ThankYouSimon #WeAreBFC pic.twitter.com/JFQUXJkBtq
— Bengaluru FC (@bengalurufc) December 9, 2023
എന്നാൽ ഈ സീസണിൽ അവർ വളരെ മോശം രീതിയിലാണ് തുടങ്ങിയത്. സീസണിൽ 9 മത്സരങ്ങൾ കഴിഞ്ഞപ്പോൾ ആകെ ഒരു മത്സരമാണ് ബെംഗളൂരു വിജയിച്ചത്. 7 പോയിന്റുമായി അവർ ലീഗിൽ ഒമ്പതാം സ്ഥാനത്ത് നിൽക്കുകയാണ്.
