മോഹൻ ബഗാനിൽ നിന്ന് ഒരു യുവതാരം കേരള ബ്ലാസ്റ്റേഴ്സൊൽ എത്തും എന്ന് പരിശീലകൻ കിബു വികൂന. കേരള ബ്ലാസ്റ്റേഴ്സിന്റെ സൈനിംഗുകളെ കുറിച്ച് ചോദിച്ചപ്പോൾ ആയിരുന്നു അദ്ദേഹം മറുപടി പറഞ്ഞത്. ട്രാൻസ്ഫർ നീക്കങ്ങൾ അണിയറയിൽ നടക്കുന്നുണ്ട് എന്നും മോഹൻ ബഗാനിൽ നിന്ന് ഒരു യുവതാരം കേരള ബ്ലാസ്റ്റേഴ്സിൽ എത്തും എന്നും വികൂന പറഞ്ഞു.
എന്നാൽ താരത്തിന്റെ പേര് പറയാൻ വികൂന തയ്യാറായില്ല. കഴിഞ്ഞ സീസണിൽ മോഹൻ ബഗാനെ ചാമ്പ്യന്മാരാക്കിയ വികൂന ആ ക്ലബിലെ വിദേശ താരങ്ങളെ സൈൻ ചെയ്യാൻ സമ്മർദ്ദം ചെലുത്തുന്നുണ്ട് എന്ന് വാർത്തകൾ ഉണ്ടായിരുന്നു. എന്നാൽ ഇപ്പോൾ അദ്ദേഹം വ്യക്തമാക്കിയത് ഒരു ഇന്ത്യൻ താരം വരുമെന്നാണ്. സുബ ഘോഷോ എസ് കെ സാഹിലോ ആയിരിക്കും ഈ യുവതാരം എന്നാണ് അഭ്യൂഹങ്ങൾ.
