ഇന്ന് ഐ എസ് എല്ലിൽ നടക്കുന്ന പോരാട്ടത്തിൽ എ ടി കെ കൊൽക്കത്ത ഹൈദരാബാദ് എഫ് സിയെ നേരിടും. ഹൈദരബാദിൽ വെച്ചാകും മത്സരം നടക്കുക. കഴിഞ്ഞ മത്സരത്തിൽ എഫ് സി ഗോവയോട് പരാജയപ്പെട്ട എ ടി കെ കൊൽക്കത്ത ഇന്ന് വിജയിച്ച് ലീഗിലെ ഒന്നാം സ്ഥാനത്തേക്ക് തിരികെയെത്തുക മാത്രമാകും ലക്ഷ്യം വെക്കുന്നത്.
സീസണിൽ ആദ്യം ഏറ്റുമുട്ടിയപ്പോൾ ഹൈദരബാദിനെ എതിരില്ലാത്ത അഞ്ചു ഗോളുകൾക്ക് എ ടി കെ തോൽപ്പിച്ചിരുന്നു. ആ തോൽവിക്ക് പകരം വീട്ടുക ആകും ഹൈദരബാദിന്റെ ലക്ഷ്യം. പരിക്കിന്റെ ക്ഷീണത്തിൽ നിന്നൊക്കെ രക്ഷപ്പെട്ട ഹൈദരബാദ് ഇനിയെങ്കിലും വിജയവഴിയിൽ എത്താൻ ആകും എന്ന് പ്രതീക്ഷിക്കുകയാണ്. അവസാനമായി നവംബറിലാണ് ഹൈദരബാദ് ഒരു മത്സരം വിജയിച്ചത്.
