സ്പാനിഷ് മിഡ്ഫീൽഡർ ആൽബെർടോ നൊഗേര മുംബൈ സിറ്റിയിൽ തുടരും. താരം മുംബൈ ക്ലബിൽ ഒരു വർഷം കൂടെ തുടരാൻ തീരുമാനിച്ചതായി ക്ലബ് ഇന്ന് ഔദ്യോഗികമായി അറിയിച്ചു. കഴിഞ്ഞ സീസണിലായിരുന്നു നൊഗുവേര മുംബൈയിൽ എത്തിയത്‌. മുംബൈ സിറ്റിക്കായി 20 ഐ എസ് എൽ മത്സരങ്ങളിൽ കളിച്ച താരം 4 ഗോളും ഒരു അസിസ്റ്റും സംഭാവന ചെയ്തു.
മുംബൈയിൽ എത്തും മുമ്പ് രണ്ടു സീസണുകളായി എഫ് സി ഗോവയ്ക്ക് ഒപ്പം ആയിരുന്നു നൊഗുവേര. രണ്ട് സീസണുകളിലായി അവുടെ 39 മത്സരങ്ങൾ കളിച്ച താരം 4 ഗോളും 11 അസിസ്റ്റും ഗോവക്ക് സംഭാവന ചെയ്തിരുന്നു.
മുമ്പ് അത്ലറ്റിക്കോ മാഡ്രിഡിന് വേണ്ടി കളിച്ചിട്ടുള്ള താരമാണ്. അത്ലറ്റിക്കോ മാഡ്രിഡ് സി ടീമിനായും ബി ടീമിനായും ഒപ്പം സീനിയർ ടീമിനായും ആൽബെർട്ടോ കളിച്ചിട്ടുണ്ട്.
From Madrid to Mumbai, the journey continues.. 💫
Alberto Noguera is 𝗴𝗼𝗶𝗻𝗴 𝗻𝗼𝘄𝗵𝗲𝗿𝗲💙#Alberto2024 #MumbaiCity #AamchiCity 🔵 pic.twitter.com/ODJEIwuUkY
— Mumbai City FC (@MumbaiCityFC) May 23, 2023
ലാലിഗ ക്ലബായ ഗെറ്റഫെയുടെ അക്കാദമിയിലൂടെ വളർന്ന താരമാണ്. ഇംഗ്ലണ്ടിൽ ബ്ലാക്ക്പൂൾ ക്ലബിനായും കളിച്ചിട്ടുണ്ട്. അവസാന വർഷങ്ങളിൽ സ്പാനിഷ് ക്ലബുകളായ ലോർക, നുമാൻസിയ, റേസിംഗ് സാന്റന്റർ എന്നീ ക്ലബുകൾക്കായും താരം കളിച്ചിട്ടുണ്ട്.
