Local Sports News in Malayalam

ഗാരത് സൗത്ത്ഗേറ്റിന് ഇംഗ്ലണ്ടിൽ പുതിയ കരാർ

ഇംഗ്ലണ്ട് ദേശീയ ടീമുമായുള്ള കരാർ പുതുക്കി പരിശീലകൻ ഗാരത് സൗത്ത്ഗേറ്റ്. ഖത്തർ ലോകകപ്പ് വരെ കരാർ ഉണ്ടായിരുന്ന സൗത്ത്ഗേറ്റ് ഇതോടെ 2024 യൂറോ കപ്പ് വരെ ഇംഗ്ലണ്ട് ടീമിന് ഒപ്പം തുടരും. 2016 യൂറോ കപ്പിന് ശേഷം റോയി ഹഡ്‌സനു പകരക്കാരൻ ആയാണ് മുൻ പ്രതിരോധ താരമായ സൗത്ത്ഗേറ്റ് ഇംഗ്ലണ്ട് പരിശീലകൻ ആയി ചുമതല ഏറ്റെടുക്കുന്നത്.

2018 ലോകകപ്പിൽ ഇംഗ്ലണ്ടിനെ സെമിഫൈനലിലും 2020 യൂറോ കപ്പ് ഫൈനലിലും ഇംഗ്ലണ്ടിനെ എത്തിച്ച സൗത്ത്ഗേറ്റിൽ പൂർണ വിശ്വാസം ആണ് പുതിയ കരാറിലൂടെ ഇംഗ്ലണ്ട് ഫുട്‌ബോൾ അസോസിയേഷൻ പ്രഖ്യാപിക്കുന്നത്. മികച്ച താരനിരയുള്ള ഇംഗ്ലണ്ടിനെ ഖത്തറിൽ പതിറ്റാണ്ടുകൾക്ക് ശേഷം ലോക കിരീടം ചൂടിക്കുക എന്നത് ആവും സൗത്ത്ഗേറ്റിന്റെ ലക്ഷ്യം.

You might also like