ഓസിലിനെതിരെ ആഞ്ഞടിച്ച് ബയേൺ പ്രസിഡന്റ്

- Advertisement -

കഴിഞ്ഞ ദിവസം ജർമൻ ടീമിൽ നിന്ന് വിരമിച്ച ആഴ്‌സണൽ താരം മെസ്യൂട് ഓസിലിനെ നിശിതമായി  വിമർശിച്ച് ബയേൺ മ്യൂണിക് പ്രസിഡന്റ് ഉലി ഹോനെസ്സ്. ലോകകപ്പിന് മുൻപ് തുർക്കി പ്രസിഡന്റിനെ സന്ദർശിച്ചതുമായി ബന്ധപ്പെട്ട വിവാദങ്ങൾക്ക് ശേഷമാണു കഴിഞ്ഞ ദിവസം ഓസിൽ ദേശീയ ടീമിൽ നിന്ന് വിരമിക്കൽ പ്രഖ്യാപിച്ചത്. ജർമ്മൻ ആരാധകരിൽനിന്നേറ്റ മോശം പെരുമാറ്റം കാരണമാണ്‌ താരം ദേശീയ ടീമിൽ നിന്ന് രാജിവെച്ചത്. ഇതിനു പിറകെയാണ് ബയേൺ പ്രസിഡന്റിന്റെ പ്രതികരണം.

താരത്തിന്റെ വിരമിക്കലിനെ സ്വാഗതം ചെയ്ത ബയേൺ പ്രസിഡന്റ് വർഷങ്ങളായി ഓസിൽ ജർമൻ ടീമിൽ വളരെ മോശം പ്രകടനമാണ് കാഴ്ചവെച്ചതെന്നും പറഞ്ഞു. 2014 ലോകകപ്പിന് മുൻപാണ് ഓസിൽ അവസാനമായി ഒരു ടാക്കിൾ വിജയിച്ചതെന്ന് പറഞ്ഞ ഹോനെസ്സ് ബയേൺ ആഴ്‌സണലിനെതിരെ കളിക്കുമ്പോൾ ആഴ്‌സണൽ ടീമിലെ അസ്ഥിരമായ കളിക്കാരനായി ഓസിലെ തങ്ങൾ കാണാറുണ്ടെന്നും പറഞ്ഞു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement