ഒരു സൈനിംഗ് കൂടെ ഈസ്റ്റ് ബംഗാൾ പൂർത്തിയാക്കി. ട്രാവുവിന്റെ യുവ മധ്യനിര താരം വാഹെങ്ബം അംഗോസനയെ ആണ് ഈസ്റ്റ് ബംഗാൾ സൈൻ ചെയ്തത്. സൈനിംഗ് ഔദ്യോഗികമായി തന്നെ ഈസ്റ്റ് ബംഗാൾ പ്രഖ്യാപിച്ചു. 24കാരനായ താരത്തെ രണ്ടു വർഷത്തെ കരാറിലാണ് ഈസ്റ്റ് ബംഗാൾ സൈൻ ചെയ്തത്. ഈ സീസണിൽ ട്രാവുവിനു വേണ്ടി ഐലീഗിൽ മികച്ച പ്രകടനം കാഴ്ചവെക്കാൻ വാഹെങബത്തിന് കഴിഞ്ഞിരുന്നു.
ട്രാവു സെക്കൻഡ് ഡിവിഷൻ ഐ ലീഗിൽ കിരീടം നേടുമ്പോഴും താരം കൂടെ ഉണ്ടായിരുന്നു. ഈ സീസണിൽ 17 മത്സരങ്ങളിൽ താരം ട്രാവുവിനു വേണ്ടി കളിച്ചിട്ടുണ്ട്. വാഹെങ്ബാമിനു ഒപ്പം ട്രാവുവിന്റെ തന്നെ മൊയിറങ്തം മീതെയെയും ഈസ്റ്റ് ബംഗാൾ സൈൻ ചെയ്തിട്ടുണ്ട്.
