വിങ്ങർ ആയ സഞ്ജു പ്രഥാൻ ഇനി മിനേർവ പഞ്ചാബിൽ കളിക്കും. താരത്തെ സ്വന്തമാക്കിയതായി മിനേർവ പഞ്ചാബ് ഔദ്യോഗികമായി പ്രഖ്യാപിച്ചു. അവസാന രണ്ടു സീസണുകളിലായി മുംബൈ സിറ്റിയിൽ ആയിരുന്നു സഞ്ജു പ്രഥാൻ കളിച്ചിരുന്നത്. സിക്കിം സ്വദേശിയായ ആയ സഞ്ജു മുമ്പ് നോർത്ത് ഈസ്റ്റ് യുണൈറ്റഡിനേയും അത്ലറ്റിക്കോ കൊൽക്കത്തയേയും ഐ എസ് എല്ലിൽ പ്രതിനിധീകരിച്ചിട്ടുണ്ട്. ഐ ലീഗിൽ ഈസ്റ്റ് ബംഗാളിനേയും സാൽഗോക്കറിന്റേയും താരമായിരുന്നു. 29കാരനായ സഞ്ജു ഈ സീസണിൽ മിനേർവയുടെ ആദ്യ ഇന്ത്യൻ സൈനിംഗ് ആണ്. ഇന്ത്യൻ ദേശീയ ടീമിനായും മുമ്പ് സഞ്ജു കളിച്ചിട്ടുണ്ട്.
Download the Fanport app now!
