ഗോകുലത്തിന് തിരിച്ചടി, കെങ്ക്രെയോട് സമനില കുരുക്ക്

20221204 185514

ഐ ലീഗിൽ നിലവിലെ ചാമ്പ്യന്മാരായ ഗോകുലത്തിന് സമനില കുരുക്ക്. ഇന്ന് മുംബൈയിൽ വെച്ചു നടന്ന മത്സരത്തിൽ കെങ്ക്രെ എഫ്സിയോടാണ് ഗോകുലം പോയിന്റ് പങ്കുവെച്ചത്. ഇതോടെ ഗോകുലത്തിന്റെ അവസാന മൂന്ന് മത്സരങ്ങൾ വിജയമില്ലാതെ കടന്ന് പോയിരിക്കുകയാണ്. അഞ്ചു മത്സരങ്ങളിൽ നിന്നും എട്ട് പോയിന്റുമായി അഞ്ചാമതാണ് അവർ. കെങ്ക്രെ ഒൻപതാമതാണ്.

20221204 185510

കൂപെറേജ് ഗ്രൗണ്ടിൽ ആതിഥേയർ വല കുലുക്കുന്നത് കണ്ടാണ് മത്സരം ഉണർന്നത്. മൂന്നാം മിനിറ്റിൽ അസ്സയുടെ ഫ്രീകിക്കിൽ നിന്നെത്തിയ പന്ത് ക്ലിയർ ചെയ്യുന്നതിൽ ഗോകുലം ഡിഫെൻസിന് പിഴച്ചപ്പോൾ യുവതാരം പപ്വിയ പോസ്റ്റിന് തൊട്ടു മുൻപിൽ നിന്നും ഗോൾ കണ്ടെത്തി. തുടർന്ന് പന്ത് കൈവശം വെച്ചു ആധിപത്യം നേടാൻ ആയിരുന്നു ഗോകുലം ശ്രമം.

ഇരുപത്തിയഞ്ചാം മിനിറ്റിൽ അരവിന്ദിന് ലഭിച്ച മികച്ചൊരു അവസരം ഷിബിൻരാജ്‌ രക്ഷിച്ചെടുത്തു. രണ്ടാം പകുതിയിൽ ഗോകുലത്തിന്റെ ഗോൾ എത്തി. സോംഗലയുടെ പാസിൽ നിന്നും ബോക്സിനുള്ളിൽ നിന്നും ഷിജിൻ ആണ് സമനില ഗോൾ കണ്ടെത്തിയത്. നിലവിലെ ചാംപ്യന്മാർക്ക് കടുപ്പമേറിയത് തന്നെ ആവും ഈ സീസൺ എന്ന് അടിവരയിടുന്നതാണ് ഇന്നത്തെ മത്സര ഫലവും.