ഇന്ത്യൻ ദേശീയ ലീഗ് ചരിത്രത്തിൽ ഏറ്റവും പ്രായം കുറഞ്ഞ പരിശീലകനെന്ന റെക്കോർഡിട്ട യാൻ ലോ ഇനി മൊഹമ്മദൻസിന്റെ പരിശീലകൻ. സെക്കൻഡ് ഡിവിഷൻ ഐലീഗിന് ഇറങ്ങുന്നതിന് മുന്നോടിയായാണ് യാൻ ലോയെ മൊഹമ്മദൻസ് പരിശീലകനായി എത്തിച്ചത്. സെക്കൻഡ് ഡിവിഷൻ ജയിച്ച് ഐ ലീഗിലേക്ക് പ്രവേശനം നേടണം എന്ന് തന്നെയാണ് മൊഹമ്മദൻസ് ആഗ്രഹിക്കുന്നത്.
26കാരൻ മാത്രമായ യാൻ ലോ കഴിഞ്ഞ സീസണിൽ മിനേർവ പഞ്ചാബിന്റെ മുഖ്യ പരിശീലകനായി ചുമതലയേറ്റായിരുന്നു ഐലീഗിൽ ചരിത്രം കുറിച്ചത്. 25ആം വയസ്സിൽ തന്നെ എ എഫ് സി എ ലൈസൻ സ്വന്തമാക്കിയപ്പോൾ എ ലൈസൻസ് സ്വന്തമാക്കുന്ന ഏറ്റവും പ്രായം കുറഞ്ഞ ആളായും യാൻ ലോ മാറിയിരുന്നു. മൊഹമ്മദൻസിനൊപ്പം ഒപ്പം വലിയ നേട്ടങ്ങളിൽ എത്താൻ ആകുമെന്നാണ് പ്രതീക്ഷയെന്ന് യാൻ ലോ പറഞ്ഞു.
