ബയേൺ ലെവർകൂസനെ എസ്സി ഫ്രെബർഗൻ 2-2ന്റെ സമനിലയിൽ തളച്ചതോടെ ബയേൺ മ്യൂണിക്ക് റെക്കോർഡ് 34-ാം ബുണ്ടസ് ലീഗ കിരീടം സ്വന്തമാക്കി. ഈ ഫലത്തോടെ, രണ്ട് മത്സരങ്ങൾ ബാക്കിനിൽക്കെ ബയേണിന് എട്ട് പോയിൻ്റിൻ്റെ ലീഡ് ലഭിച്ചു. ഇതോടെ അവർ 2024-25 സീസണിലെ ജർമ്മൻ ചാമ്പ്യൻമാരായി.
കഴിഞ്ഞ സീസണിലെ ചാമ്പ്യൻമാരായ ലെവർകൂസന്, ശനിയാഴ്ച ആർബി ലെയ്പ്സിഗിനോട് 3-3ന് സമനില വഴങ്ങിയ ബയേണിൻ്റെ ഫലത്തിന് പിന്നാലെ കിരീട പ്രതീക്ഷ നിലനിർത്താൻ വിജയം അനിവാര്യമായിരുന്നു. എന്നാൽ മൂന്ന് പോയിൻ്റ് നേടാൻ കഴിയാതെ വന്നതോടെ കിരീടം ബയേണിലേക്ക് പോയി.
കഴിഞ്ഞ സമ്മറിൽ ബയേൺ മ്യൂണിക്കിൽ ചേർന്ന ഇംഗ്ലണ്ട് ക്യാപ്റ്റൻ ഹാരി കെയ്‌നിന് ഈ വിജയം ഏറെ സവിശേഷമാണ്. കരിയറിലെ ആദ്യത്തെ പ്രധാന ട്രോഫിയാണ് അദ്ദേഹം ഇപ്പോൾ നേടിയത്. ഈ സീസണിൽ ബയേണിൻ്റെ വിജയത്തിൽ ഒരു ഗോൾ സ്കോററായും ഒരു ലീഡറായും കെയ്ൻ നിർണായക പങ്ക് വഹിച്ചു. ഈ ബുണ്ടസ് ലീഗ വിജയം ബയേണിൻ്റെ ആഭ്യന്തര ആധിപത്യം കൂടുതൽ ശക്തമാക്കി. 1963ൽ ബുണ്ടസ് ലീഗ ആരംഭിച്ചതിന് ശേഷം 62 കിരീടങ്ങളിൽ 33 എണ്ണവും ബയേൺ ആണ് സ്വന്തമാക്കിയത്.
