അർജന്റീനക്കാരൻ, പക്ഷെ മെസ്സിയേക്കാൾ ഇഷ്ടം റൊണാൾഡോയെ!! ആദ്യ ഗോൾ റൊണാൾഡോയുടെ അസിസ്റ്റിൽ!!

മാഞ്ചസ്റ്റർ യുണൈറ്റഡ് യുവതാരം അലെഹാന്ദ്രോ ഗർനാചോ അർജന്റീനക്കാരൻ ആണ്. അർജന്റീന ദേശീയ ടീമിൽ കളിക്കാൻ ആഗ്രഹിക്കുന്ന താരം. പക്ഷെ ഗർനാചോയോട് ആരാണ് ഇഷ്ട കളിക്കാരൻ എന്ന് ചോദിച്ചാൽ ഒരു മടിയുമില്ലാതെ ഒരു ഭയവുമില്ലാതെ ഗർനാചോ പറയും അത് ക്രിസ്റ്റ്യാനോ റൊണാൾഡോ ആണെന്ന്. റൊണാൾഡോയുടെ വലിയ ആരാധകനായ ഗർനാചോ ഇന്ന് തന്റെ മാഞ്ചസ്റ്റർ യുണൈറ്റഡ് കരിയറിലെ ആദ്യ സീനിയർ ഗോൾ നേടി.

റൊണാൾഡോ 22 11 04 00 33 27 126

ആ ഗോൾ വന്നതാകട്ടെ തന്റെ ആരാധനാപാത്രമായ ക്രിസ്റ്റ്യാനോ റൊണാൾഡോയുടെ പാസിൽ നിന്ന്. ഇന്ന് റയൽ സോസിഡാഡിന് എതിരായ മത്സരത്തിന്റെ ആദ്യ പകുതിയിൽ റൊണാൾഡോ ആണ് ഇടതുവിങ്ങിലൂടെ മുന്നേറുക ആയിരുന്ന ഗർനാചോക്ക് പാസ് നൽകിയത്. ആ പാസ് സ്വീകരിച്ച് താരം തന്റെ ആദ്യ ഗോളും നേടി. ഗോളടിച്ച ശേഷം ഗർനാചോ റൊണാൾഡോയുടെ സ്റ്റൈൽ സെലിബ്രേഷൻ നടത്തിയതും താരത്തോടുള്ള ഇഷ്ടം കാണിക്കുന്നു. നേരത്തെ എഫ് എ യൂത്ത് കപ്പ് ഫൈനലിൽ ഗോളടിച്ചപ്പോൾ സിയു ആഹ്ലാദം നടത്തിയ താരമാണ് ഗർനാചോ.

മാഞ്ചസ്റ്റർ യുണൈറ്റഡ് വലിയ പ്രതീക്ഷയോടെ കാണുന്ന ഗർനാചോ വരും മത്സരങ്ങളിൽ മാഞ്ചസ്റ്റർ യുണൈറ്റഡ് ഫസ്റ്റ് ഇലവനിലെ സ്ഥിര സാന്നിദ്ധ്യം ആയേക്കും.