യുവേഫ നേഷൻസ് ലീഗിൽ അയർലണ്ടിനെതിരെയുള്ള മത്സരത്തിൽ വെയിൽസ് ടീമിൽ ഗാരെത് ബെയ്ൽ കളിക്കില്ല. ഇതേ തുടർന്ന് റയൽ മാഡ്രിഡ് താരം തന്റെ ക്ലബ്ബിലേക്ക് തിരിച്ചുപോയി. കഴിഞ്ഞ ദിവസം നടന്ന സ്പെയിനിനെതിരായ മത്സരത്തിലും ബെയ്ൽ കളിച്ചിരുന്നില്ല. മത്സരത്തിൽ 4-1ന് വെയിൽസ് തോൽക്കുകയും ചെയ്തിരുന്നു.
ലാ ലീഗയിൽ അലവേസിനെതിരെ കളിക്കുമ്പോഴാണ് ബെയ്ലിന് പരിക്കേറ്റത്. പരിക്ക് ഗുരുതരമല്ലെങ്കിലും താരത്തെ കളിപ്പിക്കേണ്ടതില്ലെന്ന് വെയിൽസ് പരിശീലകൻ ഗിഗ്സ് തീരുമാനിക്കുകയായിരുന്നു. നാളെയാണ് വെയിൽസ് – അയർലണ്ട് യുവേഫ നേഷൻസ് ലീഗ് പോരാട്ടം.
നേരത്തെ പരിക്കേറ്റ് എതൻ അമ്പാടുവും ക്രിസ് മേഫാമും വെയിൽസ് ടീമിൽ നിന്ന് പുറത്ത് പോയിരുന്നു.
