ഖത്തർ ലോകകപ്പിലെ പ്രീക്വാർട്ടർ ഫിക്സ്ചറിനെ വിമർശിച്ച് അർജന്റീന പരിശീലകൻ സ്കലോനി. ഗ്രൂപ്പ് ഘട്ടം അവസാനിച്ച് 72 മണിക്കൂറിനകം വീണ്ടും കളിക്കേണ്ടി വരുന്നത് ശരിയല്ല എന്ന് സ്കലോണി പറഞ്ഞു. ഇന്നലെ ഗ്രൂപ്പ് ഘട്ടം അവസാനിപ്പിച്ച അർജന്റീനക്ക് ഇനി ശനിയാഴ്ച രാത്രി ആണ് പ്രീക്വാർട്ടറിൽ ഓസ്ട്രേലിയയെ നേരിടേണ്ടത്.
ഞങ്ങൾ ഗ്രൂപ്പിൽ ഒന്നാമതായിട്ടും ഏകദേശം രണ്ട് ദിവസത്തിനുള്ളിൽ കളിക്കുന്നത് ഒട്ടും ശരിയല്ല എന്ന് ഞാൻ കരുതുന്നു. സ്കലോനി പറയുന്നു. എനിക്ക് ഫിക്സ്ചർ ഇങ്ങനെ ആയത് മനസ്സിലാക്കാൻ കഴിയുന്നില്ല എന്നും അദ്ദേഹം പറഞ്ഞു.
ഈ കളി കഴിയും മുമ്പ് തന്നെ സമയം പുലർച്ചെ ഒരു മണിയോടടുത്തു… ഇനി വ്യാഴം, പിന്നെ ഒരുക്കമാണ്., ഇത് നല്ല അവസ്ഥയല്ല. എല്ലാവർക്കും ഒരുപോലെയാണ്. ഗ്രൂപ്പിൽ ഞങ്ങൾ ഒന്നാമതാണ്. ഞങ്ങൾ കൂടുതൽ വിശ്രമം അർഹിക്കുന്നു. അർജന്റീന കോച്ച് കൂട്ടിച്ചേർത്തു.
