ഈ ലോകകപ്പിലെ മികച്ച താരം മെസ്സി ആണെന്ന് മാഞ്ചസ്റ്റർ യുണൈറ്റഡ് ഇതിഹാസം ഗാരി നെവിൽ. കൈലിയൻ എംബാപ്പെയും മെസ്സിയും തമ്മിലാണ് മികച്ച താരത്തിനുള്ള മത്സരം. ഞാൻ മെസ്സിക്ക് ഒപ്പം നിൽക്കും. എംബാപ്പെ ഒരു മികച്ച ടീമിലാണ് ഉള്ളത്. അതുകൊണ്ട് മെസ്സിയാണ് ഈ ലോകകപ്പിലെ മികച്ച താരം എന്ന് ഞാൻ കരുതുന്നു. നെവിൽ പറഞ്ഞു.
മെസ്സിക്ക് ചുറ്റുമുള്ള കളിക്കാർ മികച്ച നിലവാരമുള്ളവരാണ്, എന്നാൽ എംബപ്പെയുടെ ഒപ്പം ഉള്ളവരുടെ അത്ര നിലവാരത്തിലുള്ളവരല്ല, നെവിൽ പറഞ്ഞു.
10 വർഷം മുമ്പുള്ള മെസ്സി അല്ല ഇപ്പോൾ എങ്കിലും ഒന്നോ രണ്ടോ നിർണായക നിമിഷങ്ങളിൽ കളി മാറ്റാനും അർജന്റീനക്കായി സംഭാവനകൾ ചെയ്യാനും മെസ്സിക്ക് ആകുന്നുണ്ട് എന്നും നെവിൽ പറഞ്ഞു.
ഞായറാഴ്ച്ച ജയിക്കുന്നത് ആരാണോ അവരാകും ടൂർണമെന്റിലെ കളിക്കാരായി മാറുക എന്നും നെവിൽ കൂട്ടിച്ചേർത്തു.
