ഈ ലോകകപ്പിൽ അർജന്റീന അഞ്ചു ഫൈനലുകൾ ആണ് ഇതുവരെ കളിച്ചത് എന്ന് ലയണൽ മെസ്സി. ആദ്യ മത്സരത്തിൽ സൗദി അറേബ്യക്ക് എതിരെ പരാജയപ്പെട്ട ശേഷം എല്ലാ മത്സരങ്ങളും അർജന്റീനക്ക് ഫൈനൽ ആയിരുന്നു എന്ന് ലയണൽ മെസ്സി ഇന്ന് ക്രൊയേഷ്യയെ തോൽപ്പിച്ച ശേഷം പറഞ്ഞു. ഞായറാഴ്ച മറ്റൊരു ഫൈനൽ കൂടെ മുന്നിൽ ഉണ്ടെന്നും അന്ന് തങ്ങളുടെ എല്ലാം ഞങ്ങൾ നൽകും എന്നും മെസ്സി പറഞ്ഞു.
ഈ ലോകകപ്പ് തന്റെ ഏറ്റവും മികച്ച ലോകകപ്പ് ആണോ എന്ന് എനിക്ക് അറിയില്ല. പക്ഷെ ഞാൻ ഈ ലോകകപ്പ് ഏറെ ആസ്വദിക്കുന്നുണ്ട് എന്ന് മെസ്സി മാധ്യമങ്ങളോട് പറഞ്ഞു. ഈ ലോകകപ്പിൽ അഞ്ച് ഗോളും നാല് അസിസ്റ്റും നൽകി മെസ്സി തകർക്കുകയാണ്.
ഈ ലോകകപ്പിൽ അവസാന മത്സരം കളിക്കുക ആയിരുന്നു ഞങ്ങളുടെ ലക്ഷ്യം. അ മത്സരത്തിന് ഞങ്ങൾ യോഗ്യത നേടിക്കഴിഞ്ഞു. ഇത് ഒരു അപൂർവ്വ നിമിഷമാണെന്നും താൻ ഇത് ആസ്വദിക്കുക ആണെന്നും മെസ്സി പറഞ്ഞു.
