വനിതാ ഫുട്ബോൾ ലോകകപ്പിൽ കൊളംബിയ ക്വാർട്ടർ ഫൈനലിലേക്ക് മുന്നേറി. ഇന്ന് നടന്ന മത്സരത്തിൽ ജമൈക്കയെ തോല്പ്പിച്ച് ആയിരുന്നു കൊളംബിയ ക്വാർട്ടറിൽ കടന്നത്. മറുപടിയില്ലാത്ത ഒരു ഗോളിനായിരുന്നു കൊളംബിയൻ വിജയം. 51ആം മിനുട്ടിൽ ഉസ്മെ പിനേദയാണ് കൊളംബിയയുടെ വിജയ ഗോൾ നേടിയത്.
ഇടതുവിങ്ങിൽ നിന്ന് സപാറ്റ നൽകിയ പാസ് സ്വീകരിച്ചായിരുന്നു ഉസ്മെയുടെ ഫിനിഷ്. ഈ ഗോൾ അവരുടെ വിജയ ഗോളായി മാറി. ഇരു ടീമുകളും ഒപ്പത്തിനൊപ്പം നിന്ന മത്സരത്തിൽ ഈ ഒരു ഗോൾ മാത്രമെ അവർക്ക് തമ്മിൽ വ്യത്യാസമായുള്ളൂ. പൊസഷനും ടാർഗറ്റിലേക്ക് തൊടുത്ത ഷോട്ടുകൾ എല്ലാം ഇരു ടീമുകൾക്കുൻ തുല്യമായിരുന്നു. ഇനി ക്വാർട്ടർ ഫൈനലിൽ ഇംഗ്ലണ്ടിനെ ആകും കൊളംബിയ നേരിടുക.
