യൂറോപ്പ ലീഗ് ഫൈനലിലെ തോൽവിക്ക് പിന്നാലെ റാഷ്‌ഫോർഡിനെതിരെ വംശീയാധിക്ഷേപം

Marcus Rashford Manchester United Villrareal
- Advertisement -

യൂറോപ്പ ലീഗ് ഫൈനലിൽ വില്ലറയലിനോട് പെനാൽറ്റി ഷൂട്ട് ഔട്ടിൽ പരാജയപെട്ടതിന് പിന്നാലെ മാഞ്ചസ്റ്റർ യുണൈറ്റഡ് താരം റാഷ്‌ഫോർഡിനെതിരെ വംശീയാധിക്ഷേപം. തന്റെ സോഷ്യൽ മീഡിയയിൽ കൂടി 70ൽ പരം പേരാണ് തന്നെ വംശീയമായി അധിക്ഷേപിച്ചതെന്ന് താരം വെളിപ്പെടുത്തി. ട്വിറ്ററിലൂടെയാണ് തനിക്ക് വംശീയാധിക്ഷേപം നേരിട്ട കാര്യം റാഷ്‌ഫോർഡ് വെളിപ്പെടുത്തിയത്.

യൂറോപ്പ ലീഗ് ഫൈനലിൽ മുഴുവൻ സമയവും കളിച്ച റാഷ്‌ഫോർഡ് മത്സരത്തിന്റെ രണ്ടാം പകുതിയിൽ തനിക്ക് ലഭിച്ച സുവർണ്ണാവസരം നഷ്ട്ടപെടുത്തുകയും ചെയ്തിരുന്നു. റാഷ്‌ഫോർഡിനെ കൂടാതെ മാഞ്ചസ്റ്റർ യുണൈറ്റഡിലെ പല താരങ്ങൾക്കും വംശീയാധിക്ഷേപം നേരിട്ടിട്ടുണ്ടെന്ന് ക്ലബ് വ്യക്തമാക്കിയിരുന്നു. എന്നാൽ മറ്റു താരങ്ങളുടെ പേരു വിവരങ്ങൾ ക്ലബ് പുറത്തുവിട്ടിട്ടില്ല. പെനാൽറ്റി ഷൂട്ട്ഔട്ടിലേക്ക് നീണ്ട മത്സരത്തിൽ 11-10 എന്ന നിലയിൽ ജയിച്ചാണ് വില്ലറയൽ തങ്ങളുടെ ആദ്യ യൂറോപ്യൻ കിരീടം സ്വന്തമാക്കിയത്.

Advertisement