പാറ്റ്സൺ ഡാകയുടെ സൈനിങ്‌ ഔദ്യോഗികമാക്കി ലെസ്റ്റർ സിറ്റി

Leicester City Patson Dak

യുവ സ്‌ട്രൈക്കർ പാറ്റ്സൺ ഡാകയുടെ സൈനിങ്‌ ഔദ്യോഗിമായി പ്രഖ്യാപിച്ച് ലെസ്റ്റർ സിറ്റി. ഓസ്ട്രിയൻ ടീമായ റെഡ് ബുൾ സാൽ‌സ്ബർഗിൽ നിന്നാണ് 22 കാരനായ സാമ്പിയൻ യുവ താരത്തെ ലെസ്റ്റർ സിറ്റി സ്വന്തമാക്കിയത്. അഞ്ച് വർഷത്തെ കരാറിലാണ് താരം ലെസ്റ്റർ സിറ്റിയിൽ എത്തുന്നത്. ഏകദേശം 23 മില്യൺ പൗണ്ട് നൽകിയാണ് പാറ്റ്സൺ ഡാകയെ ലെസ്റ്റർ സ്വന്തമാക്കുന്നത്.

കഴിഞ്ഞ സീസണിൽ 42 മത്സരങ്ങളിൽ നിന്ന് 34 ഗോളുകളുമായി പാറ്റ്സൺ ഡാക മികച്ച ഫോമിലായിരുന്നു. കഴിഞ്ഞ സീസണിൽ ഓസ്ട്രിയൻ ലീഗിലെ ടോപ് സ്കോററും പാറ്റ്സൺ ഡാക ആയിരുന്നു. 28 ലീഗ് മത്സരങ്ങളിൽ നിന്ന് 27 ഗോളുകളാണ് താരം നേടിയത്. തുടർന്നാണ് ജാമി വാർഡിക്ക് പകരക്കാരനാകാൻ ലെസ്റ്റർ സിറ്റി താരത്തെ ടീമിൽ എത്തിച്ചത്.