ഡൂറണ്ട് കപ്പ്; ഇന്ന് ആദ്യ സെമി ഫൈനൽ, മൊഹമ്മദൻസും മുംബൈ സിറ്റിയും നേർക്കുനേർ

Newsroom

Picsart 22 09 14 11 20 00 813
Download the Fanport app now!
Appstore Badge
Google Play Badge 1

ഡൂറണ്ട് കപ്പ് സെമി ഫൈനൽ

ഇന്ന് ഡൂറണ്ട് കപ്പിൽ ആദ്യ സെമി ഫൈനൽ ആണ്. കൊൽക്കത്തയിൽ നടക്കുന്ന ആദ്യ സെമി ഫൈനലിൽ ഐ എസ് എൽ ക്ലബായ മുംബൈ സിറ്റി ഐ ലീഗ് ക്ലബായ മൊഹമ്മദൻസിനെ നേരിടും. തുടർച്ചയായ രണ്ടാം ഡൂറണ്ട് കപ്പ് ഫൈനൽ ആണ് മൊഹമ്മദൻ ഇന്ന് ലക്ഷ്യമിടുന്നത്. ക്വാർട്ടർ ഫൈനലിൽ കേരള ബ്ലാസ്റ്റേഴ്സിനെ പരാജയപ്പെടുത്തി ആയിരുന്നു മൊഹമ്മദൻസ് സെമി ഫൈനലിലേക്ക് മുന്നേറിയത്. ഗ്രൂപ്പ് ഘട്ടത്തിൽ അപരാജിതർ ആയിരുന്നു മൊഹമ്മദൻ 10 പോയിന്റുമായാണ് നോക്കൗട്ട് റൗണ്ടിൽ എത്തിയത്.

ഡൂറണ്ട് കപ്പ്

മുംബൈ സിറ്റി ഗ്രൂപ്പ് ഘട്ടത്തിൽ ഒരു മത്സരം പരാജയപ്പെട്ടു എങ്കിലും ഗ്രൂപ്പിലെ ഒന്നാം സ്ഥാനക്കാരായി തന്നെ ആണ് ക്വാർട്ടറിൽ എത്തിയത്. ക്വാർട്ടർ ഫൈനലിൽ എക്സ്ട്രാ ടൈം വരെ നീണ്ട പോരാട്ടത്തിന് ഒടുവിൽ ചെന്നൈയിനെ തോൽപ്പിച്ച് ആണ് മുംബൈ സിറ്റി ഈ മത്സരത്തിലേക്ക് വരുന്നത്‌.

ഇന്ന് വൈകിട്ട് 6 മണിക്ക് നടക്കുന്ന മത്സരം തത്സമയം സ്പോർട്സ് 18ലും വൂട്ട് ആപ്പിലും കാണാം.