മലയാളി താരം ഫസലുറഹ്മാൻ വീണ്ടും ഗോളുമായി തിളങ്ങി, മൊഹമ്മദൻ സ്പോർടിങ് ജംഷദ്പൂരിനെയും വീഴ്ത്തി | Exclusive

ഫസലുറഹ്മാൻ വീണ്ടും ഹീറോ ആയപ്പോൾ മൊഹമ്മദൻസിന് ഡൂറണ്ട് കപ്പിൽ രണ്ടാം വിജയം. ഇന്ന് കൊൽക്കത്തയിൽ ഗ്രൂപ്പ് എയിൽ ജംഷദ്പൂരിനെ നേരിട്ട മൊഹമ്മദൻസ് എതിരില്ലാത്ത മൂന്നു ഗോളിനാണ് വിജയിച്ചത്. ആദ്യ ഗോൾ സ്കോർ ചെയ്തത് മലപ്പുറം സ്വദേശിയായ ഫസലുറഹ്മാൻ ആയിരുന്നു. മത്സരത്തിന്റെ 38ആം മിനുട്ടിൽ ആയിരുന്നു ഫസലുവിന്റെ ഗോൾ.

ഫസലുറഹ്മാൻ

കഴിഞ്ഞ മത്സരത്തിൽ സബ്ബായി എത്തി കൊണ്ട് ഫലസലുറഹ്മാൻ എഫ് സി ഗോവയ്ക്ക് എതിരെ നിർണായക ഗോൾ നേടിയിരുന്നു. ഇന്ന് മലയാളി താരം ക്രിസ്റ്റിയും മൊഹമ്മദൻസിന്റെ ആദ്യ ഇലവനിൽ ഉണ്ടായിരുന്നു. രണ്ടാം പകുതിയിൽ 71ആം മിനുട്ടിൽ ഹാൾദറും 74ആം മിനുട്ടിൽ ഫയസും ഗോൾ നേടിയതോടെ മൊഹമ്മദൻസിന്റെ വിജയം പൂർത്തിയായി.

രണ്ട് മത്സരങ്ങളിൽ നിന്ന് 6 പോയിന്റുമായി ഗ്രൂപ്പിൽ ഒന്നാമതാണ് മൊഹമ്മദൻസ് ഇപ്പോൾ. ജംഷദ്പൂർ കളിച്ച രണ്ട് മത്സരങ്ങളും പരാജയപ്പെട്ടു.