ചതുരാഷ്ട്ര ടൂർണമെന്റിലെ ആദ്യ മത്സരത്തിൽ ക്രോയേഷ്യയോട് ഇന്ത്യൻ ടീമിന് തോൽവി. 5-0 നാണ് ക്രോയേഷ്യൻ അണ്ടർ 19 ടീം ഇന്ത്യൻ അണ്ടർ 19 ടീമിനെ തോൽപ്പിച്ചത്. സ്പെയിനിൽ നടന്ന കോടിഫ് കപ്പിലെ പ്രകടനം ആവർത്തിക്കാൻ കഴിയുമെന്ന വിശ്വാസത്തിൽ ഇറങ്ങിയ ഇന്ത്യൻ ടീമിന് താങ്ങാവുന്നതിലും മികവ് ക്രൊയേഷ്യൻ യുവനിരയ്ക്ക് ഉണ്ടായിരുന്നു
ആദ്യ പകുതി അവസാനിക്കുമ്പോൾ ഇന്ത്യൻ ടീം നാല് ഗോളുകൾക്ക് പിറകിലായിരുന്നു. ആദ്യ പകുതിയുടെ തുടക്കത്തിൽ 15 മിനിറ്റ് വരെ ക്രോയേഷ്യൻ ആക്രമണത്തെ തടഞ്ഞ് നിർത്തിയ ഇന്ത്യ തുടർന്ന് തുടരെ തുടരെ ഗോൾ വഴങ്ങുകയായിരുന്നു.
എന്നാൽ രണ്ടാം പകുതിയിൽ മികച്ച പ്രകടനം പുറത്തെടുത്ത ഇന്ത്യൻ പ്രതിരോധ നിര ഒരു ഗോൾ മാത്രമാണ് രണ്ടാം പകുതിയിൽ വഴങ്ങിയത്. ക്രോയേഷ്യൻ ഗോൾ കീപ്പറുടെ മികച്ച പ്രകടനമാണ് ഇന്ത്യക്ക്. ആശ്വാസ ഗോൾ നിഷേധിച്ചത്.
