നാളെ പുലർച്ചെ നടക്കുന്ന കോപ അമേരിക്ക സെമിയിൽ അർജന്റീന കാനഡയെ നേരിടാൻ ഇരിക്കുകയാണ്. രണ്ട് അർജന്റീന താരങ്ങൾക്ക് ആണ് സെമിയിൽ ഇറങ്ങുമ്പോൾ സസ്പെൻഷൻ ഭീഷണി ഉള്ളത്.
നിക്കോളാസ് ടാഗ്ലിയാഫിക്കോയും നിക്കോളാസ് ഗോൺസാലസും ആണ് സസ്‌പെൻഷനിൽ നിന്ന് ഒരു മഞ്ഞ കാർഡ് അകലെ നിൽക്കുന്നത്. നിലവിൽ മഞ്ഞക്കാർഡിലുള്ള രണ്ട് അർജൻ്റീന താരങ്ങളാണ് ടാഗ്ലിയാഫിക്കോയും ഗോൺസാലസും. കാനഡയ്‌ക്കെതിരെ മഞ്ഞ ലഭിച്ചാൽ ഇരുവർക്കും കോപ്പ അമേരിക്ക ഫൈനലോ അല്ലെങ്കിൽ മൂന്നാം സ്ഥാന മത്സരമോ നഷ്ടമാകും.
ക്വാർട്ടർ ഫൈനൽ മത്സരത്തിൽ ഇക്വഡോറിനെതിരെ ആയിരുന്നു ഇരു താരങ്ങൾക്കും മഞ്ഞക്കാർഡ് ലഭിച്ചത്.
