യൂറോപ്പ കോൺഫറൻസ് ലീഗിൽ മുന്നേറി ലെസ്റ്റർ സിറ്റി

Screenshot 20220225 050702

യുഫേഫ യൂറോപ്പ കോൺഫറൻസ് ലീഗിൽ മുന്നേറി ലെസ്റ്റർ സിറ്റി. റാണ്ടേർസിന് എതിരെ ആദ്യ പാദത്തിൽ 4-1 ന്റെ ജയം നേടിയ അവർ രണ്ടാം പാദത്തിൽ 3-1 ന്റെ ജയം ആണ് കുറിച്ചത്. രണ്ടാം മിനിറ്റിൽ ഹാർവി ബാർൺസിലൂടെ ഗോൾ വേട്ട തുടങ്ങിയ ലെസ്റ്റർ സിറ്റിക്ക് ആയി ജെയിംസ് മാഡിസൺ ഇരട്ട ഗോളുകൾ നേടി.

70 മത്തെ മിനിറ്റിൽ ഫ്രീക്കിക്കിലൂടെ ഗോൾ കണ്ടത്തിയ മാഡിസൺ നാലു മിനിറ്റുകൾക്ക് ശേഷം ജയം പൂർത്തിയാക്കി. അതേസമയം ബോഡോയോട് ആദ്യ പാദത്തിൽ 3-0 നു പരാജയപ്പെട്ട സ്‌കോട്ടിഷ് വമ്പന്മാരായ സെൽറ്റിക് രണ്ടാം പാദത്തിൽ 2-0 ന്റെ പരാജയം ഏറ്റുവാങ്ങി ടൂർണമെന്റിൽ നിന്നു പുറത്തായി. ഖരബാഗിനെ ആദ്യ പാദത്തിൽ 3-1 നു മറികടന്ന മാഴ്സെ രണ്ടാം പാദത്തിൽ അവരെ 3-0 നു വീഴ്ത്തി ടൂർണമെന്റിൽ അടുത്ത റൗണ്ടിൽ എത്തി.