ഇന്ന് അന്താരാഷ്ട്ര ഫുട്ബോളിൽ നിന്ന് വിരമിക്കുന്ന സുനിൽ ഛേത്രിക്ക് ആശംസകൾ അറിയിച്ച് റയൽ മാഡ്രിഡ് സ്റ്റാർ-മിഡ്ഫീൽഡറും ക്രൊയേഷ്യയുടെ ക്യാപ്റ്റനുമായ ലൂക്കാ മോഡ്രിച്ച്. വിരമിക്കുന്നതിന് മുമ്പുള്ള അവസാന അന്താരാഷ്ട്ര മത്സരത്തിന് മുന്നോടിയായി ഒരു വീഡിയോയിലൂടെ ആണ് മോഡ്രിച് ഇന്ത്യൻ ക്യാപ്റ്റൻ സുനിൽ ഛേത്രിക്ക് പ്രത്യേക സന്ദേശം അയച്ചത്.
ജൂൺ 6 ന് കുവൈത്തിനെതിരായ ഇന്ത്യയുടെ ഫിഫ ലോകകപ്പ് യോഗ്യതാ മത്സരത്തിന് മുന്നോടിയായി, കോച്ച് ഇഗോർ സ്റ്റിമാച് ആണ് മോഡ്രിച്ചിൻ്റെ സന്ദേശം സാമൂഹിക മാധ്യമങ്ങളിൽ പങ്കുവെച്ചത്‌.
Thank you Luka 💙
We will do everything in our power to make our country and our captain proud 🇮🇳 @lukamodric10 @chetrisunil11 @IndianFootball pic.twitter.com/eHPyPfnToi
— Igor Štimac (@stimac_igor) June 5, 2024
‘സുനിൽ! ദേശീയ ടീമിനൊപ്പമുള്ള നിങ്ങളുടെ അവസാന മത്സരത്തിന് നിങ്ങൾക്ക് എല്ലാ ആശംസകളും നേരുന്നു. അഭിനന്ദനങ്ങൾ. നിങ്ങൾ ഫുട്ബോളിൽ ഒരു ഇതിഹാസമാണ്.” മോഡ്രിച് പറഞ്ഞു.
“സുനിലും ഇന്ത്യൻ ടീമും അദ്ദേഹത്തിന്റെ അവസാന മത്സരം സവിശേഷവും അവിസ്മരണീയവുമാക്കുമെന്ന് ഞാൻ വിശ്വസിക്കുന്നു. നിങ്ങളുടെ ക്യാപ്റ്റന് വിജയാശംസകൾ. ക്രൊയേഷ്യയിൽ നിന്ന് എല്ലാ ആശംസകളും സ്നേഹവും,” മോഡ്രിച്ച് തൻ്റെ വീഡിയോയിൽ പറഞ്ഞു.
