ചെൽസിയുടെസെന്റർ ബാക്ക് ഫൊഫാനയുടെ പരിക്ക് ഗുരുതരമാണെന്ന് ചെൽസി അറിയിച്ചു. താരത്തിന് എ സി എൽ ഇഞ്ച്വറിയാണ്. നീണ്ടകാലത്തോളം താരം പുറത്തിരിക്കേണ്ടു വരും എന്നാണ് ഇപ്പോൾ റിപ്പോർട്ട് വരുന്നത്. ആറ് മാസം എങ്കിലും ചുരിങ്ങിയത് താരത്തിന് നഷ്ടമാകും. നേരത്തെ താരം പ്രീസീസൺ ടൂറിനായുള്ള സ്ക്വാഡിൽ ഉണ്ടാകില്ല എന്ന് ചെൽസി അറിയിച്ചിരുന്നു.
കഴിഞ്ഞ സീസണിലും ഫൊഫാനയ്ക്ക് മുട്ടിനേറ്റ പരിക്ക് വിനയായിരുന്നു. താരം മാസങ്ങളോളം പുറത്ത് ഇരിക്കേണ്ടതായും വന്നിരുന്നു. കഴിഞ്ഞ വേനൽക്കാലത്ത് ചെൽസി 75 മില്യൺ പൗണ്ട് നൽകി ആയിരുന്നു ലെസ്റ്ററിൽ നിന്ന് ഫൊഫാനയെ ടീമിൽ എത്തിച്ചത്. പ്രീമിയർ ലീഗിൽ വെറും 15 മത്സരങ്ങൾ മാത്രമാണ് താരം കഴിഞ്ഞ സീസണിൽ കളിച്ചത്. അന്റോണിയോ റൂഡിഗറിനനും ആൻഡ്രിയാസ് ക്രിസ്റ്റെൻസനും പകരക്കാരനായി എത്തിച്ച താരത്തിൽ നിന്ന് ഇതിലുമേറെ ചെൽസി ആരാധകർ പ്രതീക്ഷിച്ചിരുന്നു.
ഫൊഫാനയ്ക്ക് പരിക്കേറ്റതോടെ ചെൽസി ഒരു പുതിയ സെന്റർ ബാക്കിനെ സൈൻ ചെയ്യാനുള്ള ആലോചനയിലാണ്.
