പ്രീമിയർ ലീഗിലേക്ക് എത്താനുള്ള പ്ലേ ഓഫ് സെമി ഫൈനലിന്റെ ആദ്യ പാദത്തിൽ സ്വാൻസി സിറ്റിക്ക് വിജയം. സ്വാൻസിയുടെ ഹോം ഗ്രൗണ്ടിൽ വെച്ച് നടന്ന മത്സരത്തിൽ ബ്രെന്റ്ഫോർഡിനെ എതിരില്ലാത്ത ഒരു ഗോളിനാണ് സ്വാൻസി സിറ്റി തോൽപ്പിച്ചത്. 66ആം മിനുട്ടിൽ പിറന്ന ഒരു ചുവപ്പ് കാർഡാണ് ബ്രെന്റ്ഫോർഡിന് തിരിച്ചടിയായത്. ഹെൻറി ചുവപ്പ് കാർഡ് വാങ്ങിയതോടെ ബ്രെന്റ്ഫോർഡ് വലിയ സമ്മർദ്ദത്തിലായി.
82ആം മിനുട്ടിൽ ആയു ആണ് സ്വാൻസിയുടെ വിജയ ഗോൾ നേടിയത്. ഇനി രണ്ടാം പാദത്തിൽ 30ആം തീയതി ഇരുടീമുകളും വീണ്ടും ഏറ്റുമുട്ടും. നാളെ നടക്കുന്ന മറ്റൊരു പ്ലേ ഓഫ് സെമി ഫൈനലിൽ കാർഡിഫ് സിറ്റി ഫുൾഹാമിനെ നേരിടും. കാർഡിഫിന്റെ ഹോം ഗ്രൗണ്ടിൽ വെച്ചാകും മത്സരം. രണ്ട് സെമി ഫൈനലുകളും ജയിക്കുന്നവർ വെംബ്ലിയിൽ വെച്ച് പ്ലേ ഓഫ് ഫൈനലിൽ നേർക്കുനേർ ഏറ്റുമുട്ടും.
