ചാമ്പ്യൻഷിപ്പ് ലീഗ് പ്ലേ ഓഫ് സെമി ഫൈനൽ ആദ്യ പാദത്തിൽ കൊവെൻട്രി സിറ്റിയും മിഡിൽസ്ബ്രോയും സമനിലയിൽ പിരിഞ്ഞു. കൊവെൻട്രി സിറ്റിയുടെ ഹോം ഗ്രൗണ്ടിൽ നടന്ന മത്സരത്തിൽ രണ്ടു ടീമുകൾക്കും ഗോൾ നേടാൻ ആയില്ല. മിഡിൽസ്ബ്രോ ആയിരുന്നു നല്ല രീതിയിൽ ആദ്യ പാദത്തിൽ കളിച്ചത്. കൊവെൻട്രി സിറ്റിക്ക് ഇന്ന് ഒരു ഷോട്ട് ടാർഗറ്റിലേക്ക് തൊടുക്കാൻ പോലും ആയില്ല.
മൈക്കിൾ കാരിക്ക് പരിശീലിപ്പിക്കുന്ന മിഡിൽസ്ബ്രോ മികച്ച പന്തടക്കത്തോടെ ഇന്ന് കളിച്ചു. 61% പൊസഷൻ അവർക്ക് ഉണ്ടായിരുന്നു. പക്ഷെ രണ്ട് ഷോട്ട് മാത്രമെ ടാർഗറ്റിലേക്ക് തൊടുക്കാൻ ആയുള്ളൂ. ഇനി അടുത്ത ആഴ്ച മിഡിൽസ്ബ്രോയുടെ ഹോമിൽ വെച്ച് രണ്ടാം പാദ സെമി ഫൈനൽ നടക്കും.
