ചാമ്പ്യൻസ് ലീഗിൽ റോമക്ക് ഉജ്ജ്വല ജയം. ജെക്കോ നേടിയ ഇരട്ട ഗോളുകളുടെ പിൻബലത്തിലാണ് റോമ സി.എസ്.കെ.എ മോസ്കൊയെ തോൽപ്പിച്ചത്. ജയത്തോടെ ഗ്രൂപ്പിൽ റയൽ മാഡ്രിഡിന് ശക്തമായ വെല്ലുവിളി സൃഷ്ടിക്കാനും റോമക്കായി. അതെ സമയം തോൽവിയോടെ സി.എസ.കെ.എ മോസ്കൊയുടെ നില കൂടുതൽ പരുങ്ങലിലായി.
ലോറെൻസോ പെല്ലെഗ്രിനിയുടെ പാസിൽ നിന്നാണ് ജെക്കോയാണ് റോമക്ക് വേണ്ടി ഗോളടി തുടങ്ങിയത്. തുടർന്ന് ആദ്യ പകുതിയുടെ ഇഞ്ചുറി ടൈമിൽ ജെക്കോ റോമക്ക് വേണ്ടി രണ്ടാമത്തെ ഗോളും നേടി. ഇത്തവണ സ്റ്റീഫൻ അൽ ഷെറാവിയുടെ അസ്സിസ്റ്റിൽ നിന്നാണ് ജെക്കോ ഗോൾ നേടിയത്.
തുടർന്ന് രണ്ടാം പകുതിയിലാണ് ചെങ്കിസ് അണ്ടറിലൂടെ റോമാ ഗോൾ വേട്ട പൂർത്തിയാക്കിയത്. ചെങ്കിസിന്റെ ഗോൾ ജെക്കോയുടെ അസ്സിസ്റ്റിൽ നിന്നായിരുന്നു പിറന്നത്.
