മാഞ്ചസ്റ്റർ സിറ്റി തങ്ങളുടെ ഇന്നത്തെ ചാമ്പ്യൻസ് ലീഗ് മത്സരത്തിൽ RB ലെയ്പ്സിഗിനെതിരായ അവരുടെ 22 അംഗ ടീമിൽ നിന്ന് സ്റ്റാർ കളിക്കാരായ കെവിൻ ഡി ബ്രൂയ്ൻ, ജോൺ സ്റ്റോൺസ്, അയ്മെറിക് ലാപോർട്ടെ എന്നിവരെ ഒഴിവാക്കി. ആരോഗ്യപരമായ പ്രശനങ്ങൾ ആണ് ഡി ബ്രുയ്‌നും ലാപോർട്ടെയും ഇല്ലാത്തതിന്റെ കാരണം എന്ന് ക്ലബ് അറിയിച്ചു.
ജനുവരിയിൽ ടീമിൽ എത്തിയ മാക്സിമോ പെറോൺ സിറ്റി ടീമിൽ ഇടം നേടി പോർച്ചുഗീസ് മിഡ്ഫീൽഡർ ബെർണാഡോ സിൽവ ഇന്ന് ലെഫ്റ്റ് ബാക്കായി കളിക്കാൻ സാധ്യത ഉണ്ട് എന്നും പരിശീലകൻ ഗാർഡിയോള സൂചിപ്പിച്ചു. ഇന്ന് രാത്രി 1.30ന് നടക്കുന്ന പ്രീക്വാർട്ടറിന്റെ ആദ്യ പാദ മത്സരം ജർമ്മനിയിൽ വെച്ചാണ് നടക്കുന്നത്.
