ചാമ്പ്യൻസ് ലീഗ് ഗ്രൂപ്പ് ഡി യിൽ ഗലാട്ടസറായ് ലോകോമോട്ടിവ് മോസ്കോയെ എതിരില്ലാത്ത 3 ഗോളുകൾക്ക് തോൽപിച്ചു. പോർട്ടോയും ശാൽകെയും അടങ്ങുന്ന ഗ്രൂപ്പിൽ ജയതോടെ അവർ ഗ്രൂപ്പിൽ ഒന്നാമതെത്തി.
ആദ്യ പകുതിയിൽ ഒൻപതാം മിനുട്ടിൽ ഗാരി റോഡ്രിഗസിലൂടെ മുന്നിലെത്തിയ അവർ പിന്നീട് രണ്ടാം പകുതിയിലാണ് ബാക്കി രണ്ട് ഗോളുകളും നേടിയത്. 67 ആം മിനുട്ടിൽ ഏറെൻ ഡർഡിയോക്കും 94 ആം മിനുട്ടിൽ പെനാൽറ്റിയിലൂടെ സെൽക് ഇനാനുമാണ് അവരുടെ മറ്റു ഗോളുകൾ നേടിയത്. ഇതിനിടെ ഗലാട്ടസറായ് താരം ബഡോ എൻടിയെ 87 ആം മിനുട്ടിൽ ചുവപ്പ് കാർഡ് കണ്ട് പുറത്തായിരുന്നു.
