ചാമ്പ്യൻസ് ലീഗിലെ ഒരു റെക്കോർഡിൽ ക്രിസ്റ്റ്യാനോയെ പിന്നിലാക്കി മെസ്സി

- Advertisement -

ചാമ്പ്യൻസ് ലീഗിൽ ഇന്നലെ പി എസ് വിക്കെതിരെ നേടിയ ഹാട്രിക്കോടെ മെസ്സി പുതിയ ഒരു റെക്കോർഡ് കൂടെ കുറിച്ചിരിക്കുകയാണ്‌. ചാമ്പ്യൻസ് ലീഗിൽ ഏറ്റവും കൂടുതൽ ഹാട്രിക്ക് എന്ന റെക്കോർഡാണ് മെസ്സി ഇന്നലെ കുറിച്ചത്. മെസ്സിയുടെ എട്ടാമത്തെ ചാമ്പ്യൻസ് ലീഗ് ഹാട്രിക്കായിരുന്നു ഇത്. ക്രിസ്റ്റ്യാനോ റൊണാൾഡോയെ ആണ് മെസ്സി മറികടന്നത്.

ക്രിസ്റ്റ്യാനോ റൊണാൾഡോയ്ക്ക് എട്ട് ഹാട്രിക്കുകൾ ആണ് ചാമ്പ്യൻസ് ലീഗിൽ ഉള്ളത്. ഇരുവർക്ക് പിറകിൽ ഉള്ള ഒരു താരത്തിനും മൂന്നിൽ കൂടുതൽ ഹാട്രിക്ക് ഇല്ല. അഡ്രിയാനോ, ഇൻസാഗി, മരിയോ ഗോമസ് എന്നിവരാണ് ചാമ്പ്യൻസ് ലീഗിൽ മൂന്ന് ഹാട്രിക്കുള്ള താരങ്ങൾ. ഇവരാണ് റൊണാൾഡോയ്ക്ക് പിറകിൽ ഉള്ളത്.

മെസ്സിയുടെ ബാഴ്സലോണ കരിയറിലെ 42ആം ഹാട്രിക്കായിരുന്നു ഇത്. മെസ്സിയുടെ ഹാട്രിക്കിന്റെ ബലത്തിൽ എതിരില്ലാത്ത നാലു ഗോളുകൾക്കാണ് ബാഴ്സലോണ ഇന്നലെ പി എസ് വിയെ തോൽപ്പിച്ചത്.

Advertisement