സ്കോട്ടിഷ് ചാമ്പ്യന്മാരായ കെൽറ്റിക് ഇത്തവണ ചാമ്പ്യൻസ് ലീഗിൽ ഉണ്ടാകില്ല. ചാമ്പ്യൻസ് ലെഗ് യോഗ്യതയുടെ മൂന്നാം റൗണ്ടിൽ ഗ്രീസ് ക്ലബായ ഏതൻസിനോട് പരാജയപ്പെട്ടതോടെയാണ് സെൽറ്റിക്കിന്റെ ചാമ്പ്യൻസ് ലീഗ് പ്രതീക്ഷ അവസാനിച്ചത്. രണ്ടാം പാദ മത്സരത്തിൽ 2-1ന്റെ പരാജയമാണ് ഇന്നലെ ഗ്രീസിൽ കെൽറ്റിക് ഏറ്റുവാങ്ങിയത്.
ആദ്യ പാദം 1-1 എന്ന നിലയിൽ അവസാനിച്ചിരുന്നു. ഇന്നലെ ഏതൻസിനായി ഗാലൊ, ലിവാജ എന്നിവരാണ് ഗോളുകൾ കണ്ടെത്തിയത്. സ്കോട്ട് സിംഗ്ലയറിന്റെ ഗോളിലൂടെ ഒരു തിരിച്ചുവരവിന് കെൽറ്റിക് ശ്രമിച്ചു എങ്കിലും ഫലം കണ്ടില്ല. ഇനി യൂറോപ്പ ലീഗ് പ്ലേ ഓഫ് ആകും കെൽറ്റിക്ക് കളിക്കുക.
കൂടുതൽ കായിക വാർത്തകൾക്ക് : www.facebook.com/FanportOfficial
