ബുണ്ടസ് ലീഗയിൽ ബൊറൂസിയ ഡോർട്ട്മുണ്ടിന് ജയം. ആർ ബി ലെപ്‌സിഗിനെ എതിരില്ലാത്ത ഒരു ഗോളിനാണ് ഡോർട്ട്മുണ്ട് പരാജയപ്പെടുത്തിയത്. ഡോർട്ട്മുണ്ടിന്റെ ബെൽജിയൻ താരം അക്സെൽ വിറ്റ്സെലാണ് ഡോർട്ട്മുണ്ടിന്റെ വിജയ ഗോൾ നേടിയത്.
പരിക്കിനെ തുടർന്ന് ക്യാപ്റ്റൻ മാർക്കോ റൂയിസ് ഇല്ലാതെയാണ് ഡോർട്ട്മുണ്ട് കളത്തിൽ ഇറങ്ങിയത്. ലീഗയിൽ 18 മത്സരങ്ങൾ കഴിയുമ്പോൾ ആറ് പോയിന്റിന്റെ വ്യക്തമായ ലീഡുമായാണ് ബൊറൂസിയ ഡോർട്ട്മുണ്ട് കുതിക്കുന്നത്. രണ്ടാം സ്ഥാനത്ത് ചാമ്പ്യന്മാരായ ബയേണും മൂന്നാമത് ഗ്ലാഡ്ബാക്കും നാലാം സ്ഥാനത്ത് ലെപ്സിഗുമാണ്.
