ജർമ്മനിയിലെ ബയേൺ മ്യൂണിക്കിന്റെ ആധിപത്യം അവസാനിപ്പിച്ച് ബയെർ ലെവർകൂസൻ. ഇന്ന് നീണ്ടകാലമായുള്ള ബയേണിന്റെ ആധിപത്യം അവസാനിപ്പിച്ചുകൊണ്ട് ലെവർകൂസൻ ജർമ്മൻ ലീഗ് കിരീടം നേടി. ഹോം ഗ്രൗണ്ടിൽ വെച്ച് വെർഡർ ബ്രെമനെ നേരിട്ട ലെവർകൂസൻ എതിരില്ലാത്ത 5 ഗോളിന് വിജയിച്ചതോടെയാണ് അവർ ലീഗ് കിരീടം ഉറപ്പിച്ചത്.
സാബി അലോൺസയുടെ ടീമിന് ഇന്ന് മൂന്ന് പോയിൻറ് മതിയായിരുന്നു കിരീടം ഉറപ്പിക്കാൻ. ലീഗിൽ ഇനിയും അഞ്ചു മത്സരങ്ങൾ ബാക്കിയിരിക്കെ ആണ് അവർ കിരീടം ഉറപ്പിച്ചത്. അവർ ലീഗിൽ ഇത്തവണ ഒരു മത്സരം പോലും പരാജയപ്പെട്ടിട്ടില്ല.
ഇന്ന് കളിയുടെ ഇരുപത്തിയഞ്ചാം മിനിറ്റിൽ കിട്ടിയ ഒരു പെനാൽറ്റി ലക്ഷത്തിൽ എത്തിച്ചുകൊണ്ട് ബോണാഫേസ് ആണ് ലെവർകൂസന് ലീഡ് നൽകിയത്. രണ്ടാം പകുതിയിൽ 60ആം മിനുട്ടിൽ ഷാക്കയുടെ ഒരു ലോംഗ് റേഞ്ചർ അവരുടെ വിജയം ഉറപ്പിച്ചു. 68ആം മിനുട്ടിൽ വിർട്സ് കൂടെ ലെവർകൂസനായി ഗോൾ നേടി. ഫ്ലോറിയൻ റിറ്റ്സ് 83ആം മിനുട്ടിൽ ഇഞ്ച്വറി ടൈമിലും ഗോൾ നേടി ഹാട്രിക്കും അവരുടെ വിജയവും പൂർത്തിയായി.
ഈ വിജയത്തോടെ ലെവർകൂസന് 29 മത്സരങ്ങളിൽ നിന്ന് 79 പോയിന്റ് ആയി. പിറകിലുള്ള ബയേൺ മ്യൂണിക്കും സ്റ്റുറ്റ്ഗർട്ടും അവരുടെ ശേഷിക്കുന്ന എല്ലാ മത്സരങ്ങളും വിജയിച്ചാലും ഇനി ലെവർകൂസന് ഒപ്പം എത്തില്ല.
ലെവർകൂസന്റെ ചരിത്രത്തിലെ ആദ്യ ലീഗ് കിരീടമാണ് ഇത്. ഇതുവരെ ലീഗൽ കളിച്ച 29 മത്സരങ്ങളിൽ 25 മത്സരങ്ങളും വിജയിച്ച ലെവർകൂസൻ ആകെ നാല് സമനിലയും വഴങ്ങി.
