റഷ്യൻ ക്ലബ്ബായ സെനിറ്റ് സെന്റ് പീറ്റേഴ്സ്ബർഗിനെ മറികടന്ന്, എഎസ് റോമയുടെ മുന്നേറ്റനിര താരം ടാമി അബ്രഹാമിനെ തുർക്കി ക്ലബായ വെസികസ് സ്വന്തമാക്കി. 20 ദശലക്ഷം യൂറോയുടെ ട്രാൻസ്ഫർ ഫീസാണ്, ഇംഗ്ലീഷ് സ്ട്രൈക്കർക്ക് ബെസികസ് നൽകുന്നത്. 5 ദശലക്ഷം യൂറോ വിലമതിക്കുന്ന മൂന്ന് വർഷത്തെ കരാറിൽ ടാമി ഒപ്പുവെക്കും.
2024-25 സീസണിൽ എസി മിലാനിൽ ലോണിൽ കളിച്ചതിന് ശേഷം ഈ വേനൽക്കാലത്താണ് അബ്രഹാം റോമയിലേക്ക് തിരിച്ചെത്തിയത്. യുവേഫയുടെ ഫിനാൻഷ്യൽ ഫെയർ പ്ലേ (FFP) നിയമങ്ങൾ പാലിക്കുന്നതിനായി ജൂൺ അവസാനിക്കുന്നതിന് മുമ്പ് ഒരു വലിയ വിൽപ്പന നടത്തേണ്ട സമ്മർദ്ദത്തിലായിരുന്നു റോമ. അതുകൊണ്ട് തന്നെ ഈ ട്രാൻസ്ഫർ റോമക്ക് ആശ്വാസം നൽകും.
