യു എ ഇ ഫുട്ബോൾ അസോസിയേഷനെതിരെ കടുത്ത നടപടിയുമായി എ എഫ് സി. ഇക്കഴിഞ്ഞ ഏഷ്യൻ കപ്പിലെ മോശം സംഭവങ്ങളിലാണ് എ എഫ് സിയുടെ നടപടി. ഏഷ്യൻ കപ്പിന്റെ സെമി ഫൈനലിൽ ഖത്തറും യു എ ഇയും തമ്മിലുള്ള മത്സരത്തിനിടെ യു എ ഇ ആരാധകരാൽ ഖത്തർ താരങ്ങൾ ആക്രമിക്കപ്പെട്ടിരുന്നു. ഈ സംഭവത്തിലാണ് എ എഫ് സി ഇപ്പോൾ നടപടി എടുത്തിരിക്കുന്നത്.
ഒരു മത്സരം ആരാധകരില്ലാതെ കളിക്കാനും അതിനു കൂടെ വൻ പിഴയും യു എ ഇ നൽകേണ്ടതായി വരും. ഒരു ലക്ഷത്തി അമ്പതിനായിരം ഡോളർ ആണ് പിഴ ആയി വിധിച്ചിരിക്കുന്നത്. ആക്രമണമുണ്ടായ മത്സരത്തിൽ ഖത്തർ വിജയിക്കുകയും ഫൈനലിലേക്ക് എത്തുകയും ചെയ്തിരുന്നു. എ എഫ് സി അണ്ടർ 23 ചാമ്പ്യൻഷിപ്പിന്റെ യോഗ്യതാ മത്സരത്തിൽ ഒന്നാകും യു എ ഇ ആരാധകർ ഇല്ലാതെ കളിക്കുക.
