ഏഷ്യൻ ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ മൂന്നാം മത്സരത്തിൽ മുംബൈ സിറ്റി ഇന്ന് രാത്രി കിംഗ് ഫഹദ് ഇന്റർനാഷണൽ സ്റ്റേഡിയത്തിൽ അൽ ജസീറയെ നേരിടും. ഇന്ത്യൻ ഫുട്ബോൾ ചരിത്രത്തിൽ ആദ്യമായി ഒരു ചാമ്പ്യൻസ് ലീഗ് ഗ്രൂപ്പ് ഘട്ട മത്സരം വിജയിക്കുന്നു എന്ന റെക്കോർഡ് ഇട്ടാണ് മുംബൈ സിറ്റി ഈ മത്സരത്തിന് എത്തുന്നത്. ഇന്ന് രാത്രി 10:45ന് ആരംഭിക്കുന്ന മത്സരം സ്റ്റാർ സ്പോർട്സിലും ഹോട്സ്റ്റാറിലും തത്സമയം കാണാം.
ചാമ്പ്യൻസ് ലീഗിൽ സൗദി അറേബ്യയുടെ അൽ ഷബാബിനോട് 3-0 തോൽവി ഏറ്റുവാങ്ങി ആയിരുന്നു മുംബൈ സിറ്റി തുടങ്ങിയത്. എന്നാൽ രണ്ടാം മത്സരത്തിൽ ഇറാക്കിലെ എയർ ഫോഴ്സ് ക്ലബിനെ തോൽപ്പിച്ച് കൊണ്ട് മുംബൈ സിറ്റി ഏവരെയും ഞെട്ടിച്ചു. 2-1 എന്ന സ്കോറിനായിരുന്നു വിജയം.
അബുദാബി ആസ്ഥാനമായി പ്രവർത്തിക്കുന്ന അൽ ജാസിറ ക്ലബ് ആണ് ഇന്ന് മുംബൈയുടെ എതിരാളികൾ. അവർ ഗ്രൂപ്പിലെ ആദ്യ രണ്ട് മത്സരങ്ങളും പരാജയപ്പെട്ടിരുന്നു.
