മുൻ പിഎസ്ജി പരിശീലകൻ ക്രിസ്റ്റഫെ ഗാൾട്ടിയർ കോച്ചിങ്ങിലേക്ക് തിരിച്ചെത്തുന്നു. ഖത്തർ ക്ലബ്ബ് അൽ ദുഹയ്ൽ ആണ് ഫ്രഞ്ച് പരിശീലകനെ എത്തിക്കുന്നത് എന്ന് ഫാബ്രിസിയോ റൊമാനൊ റിപ്പോർട്ട് ചെയ്യുന്നു. ഉടൻ തന്നെ ഖത്തറിലേക്ക് തിരിക്കുന്ന അദ്ദേഹം ഔദ്യോഗികമായി കരാറിൽ ഒപ്പിടും. രണ്ടു വർഷത്തെ കരാർ ആണ് ഗാൾട്ടിയറിന് അൽ ദുഹയ്ൽ നൽകുക എന്ന് ലെ എക്വിപ്പെ റിപ്പോർട്ട് ചെയ്യുന്നു.
നേരത്തെ ലീഗ് 1 കിരീടം നേടിയിട്ടും ഗാൾട്ടിയറിനെ പിഎസ്ജി പുറത്താക്കുകയായിരുന്നു. പിന്നീട് മുൻപ് നടത്തിയ വംശീയ പരാമാർശങ്ങൾ കാരണം നിയമ നടപടിയും നേരിട്ടു കൊണ്ടിരിക്കുകയാണ് 57കാരൻ. അത് കൊണ്ട് തന്നെ ഒളിമ്പിക് മാഴ്സെ അടുത്തിടെ പരിശീലക സ്ഥാനം മുന്നോട്ടു വെച്ചപ്പോൾ അദ്ദേഹം തള്ളിക്കളഞ്ഞതായി ലെ എക്വിപ്പെ, ലെ പാരീസിയൻ അടക്കം റിപ്പോർട്ട് ചെയ്തിരുന്നു. അത് കൊണ്ട് തന്നെ തൽക്കാലം ഫ്രാൻസിൽ നിന്നും വിട്ടു നിൽക്കാൻ തന്നെ ആയിരുന്നു ഗാൾട്ടിയറുടെ തീരുമാനം എന്നാണ് കരുതേണ്ടത്. ഏഷ്യൻ ചാമ്പ്യൻസ് ലീഗിൽ ഏറ്റ തോൽവിയുടെ പിറകെയാണ് അൽ ദുഹയ്ൽ പരിശീലകനായ ഹെർനാൻ ക്രേസ്പോയെ പുറത്താക്കുന്നത്. അടുത്തിടെ ഫിലിപ്പേ കൗട്ടിഞ്ഞോയേയും അവർ ടീമിലേക്ക് എത്തിച്ചിരുന്നു.
Download the Fanport app now!
