അർജന്റീന പരിശീലകൻ ലയണൽ സ്കലോണി ബ്രസീലിനെതിരായ നിർണായക ലോകകപ്പ് യോഗ്യതാ മത്സരത്തിന് മുന്നോടിയായി മാധ്യമങ്ങളെ അഭിസംബോധന ചെയ്തു. ഈ മത്സരത്തിന്റെ പ്രാധാന്യം അദ്ദേഹം ഊന്നിപ്പറഞ്ഞു. മാറക്കാനയിൽ ലയണൽ മെസ്സിയും നെയ്മറും ഒരുമിച്ച് നിൽക്കുന്ന ചിത്രമാണ് ഈ മത്സരത്തെ കുറിച്ച് താൻ എപ്പോഴും ഓർക്കുന്നത് എന്ന് സ്കലോണി പറഞ്ഞു.
“ഇതൊരു അർജന്റീന-ബ്രസീൽ മത്സരമാണ്, ഇത് എല്ലായ്പ്പോഴും പ്രധാനമാണ്, പക്ഷേ അവസാനം, ഇത് ഒരു ഫുട്ബോൾ മത്സരം മാത്രമാണ്,” സ്കലോണി പറഞ്ഞു. “ആളുകൾ അവരുടെ ടീമുകളെ പിന്തുണയ്ക്കട്ടെ, നമുക്ക് കളിയിൽ ശ്രദ്ധ കേന്ദ്രീകരിക്കാം.” അദ്ദേഹം പറഞ്ഞു.
ഉറുഗ്വേയ്‌ക്കെതിരായ അവരുടെ സമീപകാല പോരാട്ടത്തിന് സമാനമായിരിക്കും ഈ മത്സരം എന്ന് സൂചന നൽകി. ലൈനപ്പിനെക്കുറിച്ച് സംസാരിച്ച സ്കലോണി ആദ്യ ഇലവനെ സ്ഥിരീകരിക്കുന്നതിൽ നിന്ന് വിട്ടുനിന്നു, പക്ഷേ റോഡ്രിഗോ ഡി പോൾ ടീമിലേക്ക് തിരിച്ചെത്തുമെന്ന് സൂചിപ്പിച്ചു.
“ആവശ്യമുള്ളപ്പോൾ എങ്ങനെ സ്ട്രഗിൾ ചെയ്യണം എന്ന് ഈ ടീമിന് അറിയാം, പക്ഷേ കളി നിയന്ത്രിക്കുക എന്നതാണ് ഞങ്ങളുടെ ലക്ഷ്യം.” – സ്കലോണി പറഞ്ഞു.
