നാളെ സ്പെയിനും ഇറ്റലിയും തമ്മിൽ ഉള്ള മത്സരത്തിൽ ബാഴ്സലോണ യുവതാരം ഗവി സ്പെയിനായി അരങ്ങേറ്റം കുറിക്കും എന്നാണ് പ്രതീക്ഷിക്കപ്പെടുന്നത്‌. ഇന്ന് ഇറങ്ങിയാൽ ഗവി സ്പെയിനായി കളിക്കുന്ന ഏറ്റവും പ്രായം കുറഞ്ഞ താരമായി മാറും. 17 വയസ്സും 62 ദിവസും മാത്രമാണ് ഗവിയുടെ പ്രായം. അൻസു ഫതി ആണ് ഇപ്പോൾ സ്പെയിനിനായി കളിച്ച ഏറ്റവും പ്രായം കുറഞ്ഞ താരത്തിനുള്ള റെക്കോർഡിന് ഉടമ. ഗവി നാളെ ഇറങ്ങിയാൽ അത് പഴങ്കഥ ആകും.
സ്പെയിൻ അണ്ടർ 18 ടീമിൽ നിന്ന് നേരെ സീനിയർ ടീമിലേക്ക് മുന്നേറിയിരിക്കുകയാണ് ബാഴ്സലോണയുടെ ഈ മധ്യനിര താരം. ബാഴ്സലോണയ്ക്ക് ആയി ഈ സീസണിൽ ഇതുവരെ ഏവരെയും ശ്രദ്ധ പിടിച്ചു പറ്റുന്ന പ്രകടനം നടത്താൻ ഗവിക്ക് ആയിട്ടുണ്ട്.
