പരിക്കേറ്റ് പിന്മാറിയ സൂപ്പർ താരം നെയ്മർ ജൂനിയറിന് പകരക്കാരനായി ചെൽസിയുടെ വില്ലിയനെ ബ്രസീൽ ടീമിൽ ഉൾപ്പെടുത്തി. വിനിഷ്യസ് ജൂനിയർ, ലൂക്കാസ് മോറ, ഡഗ്ളസ് കോസ്റ്റ എന്നിവരെ മറികടന്നാണ് 30 വയസുകാരനായ വില്ലിയൻ സ്വന്തം നാട്ടിൽ നടക്കുന്ന ടൂർണമെന്റിന് ഇടം നേടിയത്.
2011 മുതൽ ബ്രസീൽ ദേശീയ ടീമിന്റെ ഭാഗമാണ് വില്ലിയൻ. ബ്രസീലിനായി 65 മത്സരങ്ങൾ കളിച്ച താരം 8 ഗോളുകളും രാജ്യത്തിനായി നേടി. 2014, 2018 ലോകകപ്പ് ടീമിലും താരം അംഗമായിരുന്നു. കാലിനേറ്റ ഗുരുതര പരിക്കിനെ തുടർന്നാണ് നെയ്മർ പിന്മാറിയത്. ബൊളീവിയ, വെനസ്വേല, പെറു എന്നിവർ അടങ്ങുന്ന ഗ്രൂപ്പ് എ യിലാണ് ബ്രസീൽ.
