ആദ്യ ഇന്നിംഗ്സിൽ ബാറ്റിംഗ് പരാജയമായിരുന്നുവങ്കിലും രണ്ടാം ഇന്നിംഗ്സിൽ ശ്രീലങ്ക അതിന് പരിഹാരം കണ്ടെത്തിയെന്നും എന്നാൽ തോൽവിയ്ക്ക് കാരണം പ്രഭാത് ജയസൂര്യയ്ക്ക് പിന്തുണ നൽകുവാന് മറ്റു ബൗളര്മാര്ക്ക് സാധിച്ചില്ലെന്നതാണ് എന്ന് പറഞ്ഞ് ശ്രീലങ്ക ക്യാപ്റ്റന് ദിമുത് കരുണാരത്നേ.
ആദ്യ ഇന്നിംഗ്സിൽ റൺസ് കണ്ടെത്തിയിരുന്നുവെങ്കില് ശ്രീലങ്കയ്ക്ക് പാക്കിസ്ഥാനെ സമ്മര്ദ്ദത്തിലാക്കാമായിരുന്നുവെന്നും നസീം ഷാ ബാബര് അസമിന് അവസാന വിക്കറ്റിൽ നൽകിയ പിന്തുണ ഏറെ നിര്ണ്ണായകമായിരുന്നുവെന്നും കരുണാരത്നേ വ്യക്തമാക്കി.
പ്രഭാതിന് ഇനിയും അധികം ഓവറുകള് എറിയുവാന് ശേഷിയുള്ള താരം ആണെന്നും കരുണാരത്നേ കൂട്ടിചേര്ത്തു.
