മഴ വില്ലനായി, മഴ ചതിച്ചു ഇത്തരം തലവാചകങ്ങൾ ക്രിക്കറ്റ് ലോകത്ത് സുപരിചതമാക്കാൻ ഇപ്പ്രാവശ്യത്തെ ക്രിക്കറ്റ് ലോകകപ്പ് സഹായിച്ചു. ഈ ലോകകപ്പിൽ ഇത് നാലാം തവണയാണ് മത്സരം ഉപേക്ഷിക്കുന്നത്. മികച്ച ഫോമിലുള്ള ഇന്ത്യയുടേയും ന്യൂസിലാന്റിന്റെയും ലോകകപ്പ് പോരാട്ടം കാണാൻ കഴിയാത്തതിലുള്ള വിഷമം ക്രിക്കറ്റ് ആരാധകർക്ക് ഉണ്ടെന്നതുറപ്പാണ്. ലോകകപ്പ് ചരിത്രത്തിലെ ഒരു റെക്കോർഡ് ആണ് ഈ നാലാം മത്സരം ഉപേക്ഷിക്കൽ.
ഐസിസി ഇംഗ്ലണ്ട് വേദിയായി നിർദ്ദേശിച്ചപ്പളേ ആരാധകർ മഴ ഒരു പ്രശ്നമായി ഉന്നയിച്ചിരുന്നു. ലോകകപ്പിന്റെ ചരിത്രത്തിൽ ഇതുവരെ 2ൽ അധികം മത്സരങ്ങൾ ഉപേക്ഷിച്ചിട്ടില്ല. 1992 ലെ ലോകകപ്പിലും 2003ലെ ലോകകപ്പിലുമാണ് ഇതിനു മുൻപ് രണ്ട് മത്സരങ്ങൾ ഉപേക്ഷിച്ചത്. മഴ കാരണം ഈ ലോകകപ്പിൽ ഉപേക്ഷിക്കുന്ന അവസാന മത്സരം ഇന്നതേതാണെന്ന് കരുതാൻ സാധ്യമല്ല. എന്തായാലും ഇത്തവണ ഇംഗ്ലണ്ടിൽ നടക്കുന്ന ലോകകപ്പിനെ മഴ വിഴുങ്ങിക്കഴിഞ്ഞു.
