വിന്നിപെഗ് ഹോക്ക്സ് നായകന് ഡ്വെയിന് ബ്രാവോ പിന്മാറിയതിനാല് ഇനി ടീമിനെ നയിക്കുക ഡേവിഡ് വാര്ണര്. വിന്ഡീസ് ഓള്റൗണ്ടര് പിന്മാറിയതിനു കാരണം വ്യക്തമല്ലെന്നാണ് ഇപ്പോള് ലഭിക്കുന്ന വിവരം. മുന് പാക് താരവും ഹോക്ക്സിന്റെ കോച്ച് വഖാര് യൂനിസ് ടീമിനെ മികച്ച രീതിയില് നയിക്കുവാന് വാര്ണര്ക്കാവുമെന്ന് പറഞ്ഞു. ഐപിഎല് സണ്റൈസേഴ്സ് ഹൈദ്രാബാദിനു വേണ്ടി താരം അത് തെളിയിച്ചിട്ടുണ്ട്.
ഇപ്പോള് ഒരു പ്രതിസന്ധി ഘട്ടത്തിലൂടെയാണ് വാര്ണര് പോകുന്നതെങ്കിലും വാര്ണറുടെ ഉള്ളിലെ നായകന് ഒരിക്കലും മരിക്കില്ലെന്ന് വഖാര് പറഞ്ഞു. ഇതുവരെ ടൂര്ണ്ണമെന്റില് മോശം ഫോമിലാണ് വാര്ണര് കളിക്കുന്നത്. മൂന്ന് മത്സരങ്ങളില് നിന്ന് 6 റണ്സ് മാത്രമാണ് താരം ഇതുവരെ നേടിയത്.
ഡ്വെയിന് ബ്രാവോയ്ക്ക് പകരം പാക്കിസ്ഥാന് താരം ഇമാദ് വസീമിനെ വിന്നിപെഗ് ഹോക്ക്സ് ടീമില് ഉള്പ്പെടുത്തുമെന്നാണ് ലഭിക്കുന്ന വാര്ത്ത.
കൂടുതൽ കായിക വാർത്തകൾക്ക് : www.facebook.com/FanportOfficial
