രണ്ടാം ടെസ്റ്റിനു ശേഷം നഷ്ടപ്പെട്ട ടെസ്റ്റ് ബാറ്റിംഗ് റാങ്കിലെ ഒന്നാം സ്ഥാനം തിരിച്ചു പിടിച്ച് വിരാട് കോഹ്‍ലി. ലോര്‍ഡ്സില്‍ 23, 17 എന്നീ സ്കോറുകള്‍ കാരണം തന്റെ ഒന്നാം റാങ്ക് സ്റ്റീവ് സ്മിത്തിനു അടിയറവു വെച്ച ശേഷം കോഹ്‍ലി ട്രെന്റ് ബ്രിഡ്ജില്‍ 97, 103 എന്നീ സ്കോറുകളുമായി ഫോമിലേക്കുയര്‍ന്ന് വീണ്ടും ഒന്നാം റാങ്ക് തിരിച്ചെടുക്കുകയായിരുന്നു. 937 റേറ്റിംഗ് പോയിന്റാണ് കോഹ്‍ലിയ്ക്ക സ്വന്തമായുള്ളത്.
കോഹ്‍ലിയുടെ കരിയറിലെ ഏറ്റവും മികച്ച റേറ്റിംഗ് പോയിന്റാണ് ഇത്. 961 പോയിന്റ് നേടിയ ഡോണ്‍ ബ്രാഡ്മാന്‍ ആണ് ഇതുവരെ നേടിയ ഏറ്റവും മികച്ച റേറ്റിംഗ് പോയിന്റിനു ഉടമ.
