വെള്ളമുണ്ട അഖിലേന്ത്യാ സെവൻസിന്റെ കിരീടം കോഴിക്കോട്ടേക്ക്. കോഴിക്കോട് ടീമായ കെ ആർ എസ് കോഴിക്കോട് ആണ് വെള്ളമുണ്ടയിൽ കിരീടം ഉയർത്തിയത്‌. വെള്ളമുണ്ടയിൽ ഇന്ന് ഫൈനലിൽ സബാൻ കോട്ടക്കലിനെ ആയിരുന്നു കെ ആർ എസ് നേരിട്ടത്. എതിരില്ലാത്ത ഒരു ഗോളിന് സബാൻ കോട്ടക്കലിനെ വീഴ്ത്താൻ കെ ആർ എസിനായി. കെ ആർ എസിന്റെ സീസണിലെ ആദ്യ കിരീടമാണിത്. ആദ്യ ഫൈനലും ഇതാണ്.
സെമിയിൽ സോക്കർ ഷൊർണ്ണൂരിനെ തോൽപ്പിച്ച് ആയിരുന്നു കെ ആർ എസ് കോഴിക്കോട് ഫൈനലിൽ എത്തിയത്. സീസണിലെ രണ്ടാം കിരീടം നേടാമെന്ന സബാന്റെ മോഹത്തിനു കൂടിയാണ് ഇന്നത്തെ കെ ആർ എസിന്റെ പ്രകടനം തിരിച്ചടിയായത്.
