കുപ്പൂത്ത് അഖിലേന്ത്യാ സെവൻസിൽ അൽ മദീനയ്ക്ക് ജിംഖാന തൃശ്ശൂരിൽ നിന്ന് ഏറ്റ പരാജയത്തിന് വളാഞ്ചേരിയിൽ പലിശയും ചേർത്ത് കണക്ക് വീട്ടിയിരിക്കുകയാണ് അൽ മദീന ചെർപ്പുളശ്ശേരി. ഇന്ന് വളാഞ്ചേരി സെവൻസിൽ നടന്ന പോരാട്ടത്തിൽ അൽ മദീന ചെർപ്പുളശ്ശേരി ഏഴു ഗോളുകളാണ് അടിച്ചു കൂട്ടിയത്. 7-2ന്റെ വിജയമാണ് അൽ മദീന സ്വന്തമാക്കിയത്.
മദീനയ്ക്ക് വേണ്ടി അബുലയ്, റൊണൽ ഹാരിസ് എന്നിവർ ഇരട്ട ഗോളുകൾ നേടി. റഹീം, മൻസാരി, ശരത്ത് എന്നിവരാണ് മറ്റു സ്കോറേഴ്സ്. നേരത്തെ സീസൺ തുടക്കത്തിൽ പെരിന്തൽമണ്ണ ഗ്രൗണ്ടിൽ വെച്ച് അൽ മദീന ജിംഖാനയെ 6-1 എന്ന സ്കോറിനും തോൽപ്പിച്ചിരുന്നു.
